Féile Charn Tóchair

Is féile phobail áitiúil í Féile Charn Tóchair a dhéanann céiliúradh ar oidhreacht chultúrtha, theangeolaíochta, timpeallachta agus seandálaíochta cheantar Mhachaire Rátha. Is féile í atá lán de spraoi agus craic do chách. Cé acu is fearr leat imeachtaí amuigh faoin aer nó oícheanta sóisialta níos ciúine, beidh sé uilig ar fáil ag Féile Charn Tóchair i mbliana. Cuireadh tús leis an fhéile breis is deich mbliana ó shin agus tá sí ag fás agus ag dul ó neart go neart gach bliain.